18. In Triumpho s. Crucis.

la. Nova crucis gaudia
Recolat Hispania
Laeto cum tripudio

Ib. Novae memor gratiae
Novaeque victoriae
Crucis patrocinio.

2 a. Cuncta qui disposuit,
Renovare voluit
Antiqua miracula,

2 b. Et qui crucem sperneret,
Ante crucem caderet
Caesa gens incredula.

3 a. Crucis hostis impius
Rex, gehennae filius,
Spiritu vesaniae

3b. Contra Christum nititur
Et in crucem loquitur
Sermones blasphemiae.

4 a. Fastu premit sidera,
Ponit os in aethera
Crucem sanctam improbans,
Crucifixum reprobans ;

4 b. Dum superbe cogitat,
In furorem excitat
Barbarorum rabiem
Ad suam perniciem.

5 a. Nam patronus,
Iesus bonas,
Preces audit
Et exaudit

Suorum fidelium ;

5 b. Cum necesse
Videt esse,
Suos tegit
(Atque regit)

Conferens auxilium.

6 a. Ecce, crucis amatores,

Christo duce sectatores

Spiritum concipiunt,

6 b. Excitati Christo duce
Et signati sancta cruce
Alacres efficiunt.

7. Pro tali victoria
Detur Christo gloria.