29. In Ascensione Domini.

1. Ascendit Deus in iubilo

2 a. Et Dominus in voce tubae
super caelos
caelorum ad orientem;

2 b. Captivam duxit formam
nostram, dedit
hominibus felix donum.

3 a. Ovem, quae

perierat, ulnis suis
eam vexit

3 b. Ad gregem

illum, ad supernas caulas
eam duxit.

4 a. O ineffabilis Deus,
redemptor
fortis, aeternae gloriae,

4 b. Qui in personis trinus es
et unus
fateris in essentia.

5 a. Qui non vis perire tuum,
quod creaveras, plasma,

5 b. Prolem in terra dilectum
pro nobis direxeras.

6 a. Ipse probra nostra tulit
per stipitem
et livore
eius nos sanati sumus ;

6 b. Resurrexit de sepulcro,
in aethera
revolavit
ad sidera; Alleluia.

7. Ipsnm enim exspectamus
inde iudicem
venientem, ad supremum
similiter sicut ascenderat.