30. In Pentecoste.

1. Advenit

2 a. spiritus sanctus hora
diei tertia

2 b. Discipulis praebens
charismatum dona

3 a. Omniumque
linguarum eos
loqui fecit genera,

3 b. Qui prius in
aedificio turris
confuderat superbiam.

4 a. Et cunctis
mirantibus
Dei non timent
loqui magnalia,

4 b. Quos ante
Christi passio
fugere fecit
per compita.

5 a. Hos tamen
compescere
procurabat
Iudaea

5 b. Plenos esse
credens musti,
de crapula
(saltem) credula.

6 a. Quibus non metuit
respondere
Petrus, quae noverat vera,

6 b. Non est abundantia
vini clamans
sed Ioelis prophetia.

7 a. Ecce, cuius
primo negaverat
scire, praedicat miracula,

7 b. Plenos eos,

iam qui crediderant,
linguarum gentibus munera.

8a. Hodie sancta

meritoque colenda,

8b. Qua spiritus sanctus
terram replet fluente,

9 a. Discipulis

atque linguarum
varia venit
in igne notitia.

9 b. In hac ergo
die petimus,
mittere digneris,
genitor alme, dona,

10 a. Cordium atque nostrorum

10 b. Quaeque pelle tenebrosa,

11a. Cooperante nato tuo,
qui factus est
mundi hostia,

11b. Spiritus eiusdem sancti-
faciente
quoque gratia.

12. Cuius est laus
et gloria
per saecula.