33. De sanctissima Trinitate.

1. Deus ineffabilis

et incircumscriptae naturae,

2 a. Serum institutio

omnium, Domini

nostri Iesu Christi pater,

2 b. Qui eundem filium

tuum [prae] dilectum

de sinu tuo misisti

3 a. Ad publicum

nostrum suscipere

3 b. Vitam nostram,

ut nobis det suam,

4 a. Essetque perfectus

Deus ex parte patris,

4 b. Necnon et perfectus

homo ex parte matris ;

5 a. Totus Deus

et totus homo

unus idemque Christus ;

5 b. Aeternus

et temporalis,

immortalis et mortalis ;

6 a. Creator et creatus,

fortis et infirmus,

6 b. Nutritor et nutritus,

pastor atque ovis ;

7 a. Temporaliter mortuus,

7 b. Tecum in aeternum vivens.

8 a. Dator vitae aeternae

municipium promittens

dixit nobis:

8 b. Quidquid petieritis

patrem in nomine meo,

dabit vobis.

9 a. Obsecramus

itaque, Domine, et

te nimis pium rogamus

in nomine dilectissimi

filii tui,

9 b. Ut des nobis

cum eodem filio

tuo [prae]dilecto te in

omnibus benedicere et

glorificare.

10 a. Quia, quorum

una est substantia,

10 b. Unum [horum]

etiam est et datum.

11 a. Da nobis ergo per illum

et cum illo

peccatorum nostrorum

veniam [cunctorum]

11b. Et mandatorum tuorum

custodiam,

dilectionem tui

et firmum amorem.

12 a. O sacrosancta trinitas,

12 b. O summa Dei bonitas,

13 a. Perfice in nobis,

quod [te] petimus

per crucifixum Iesum

Christum, Dominum nostrum,

13 b. Qui aeternaliter

tecum vivit et

regnat in unitate

spiritus in saecula

14. Saeculorum.