36. Dominica quarta post Trinitatem.

1 a. Omnium

Domino atque pio
liberatori
votis ac voce
cordis iubilemus.

Ib. Laetemur

et exsultemus eius
in laude nunc et
semper, timentes
ac amantes eum;

2 a. Est quia iudex

patiens, fortis, pius,

miserator

ac multum misericors,

2 b. Impios suis

constrictos sceleribus
solvens, iustus,
clemens et iustificans,

3 a. Omnes enim
peccavimus ei
et parcit nobis

3 b. Nostra spectans
lamenta digna
pro culpis multis.

4 a. Nec quaerit nos damnare,
sed salvare et
liberare ;

4b. Nam venit in hunc mundum,
nasci dignatus
per virginem,

5 a. Peccatores vocare

5 b. Intra paenitentiam.

6 a. Gratia cuius stat iustus,
peccator lapsus resurgit.

6 b. Veniam nostris, tu Deus,
dare digneris peccatis

7 a. Et caeli gaudia

cum sanctis omnibus,

7 b. Tuis ac facias

dignos conspectibus,

8. Ut laudemus fulgidi
nomen tuum gloriosum
per cuncta saeculorum
saecula.