38. De Corpore Christi.

1 a. De Christi corpore
Tanta sollemnia
Sollemni decore
Colat ecclesia,
Mundoque pectore
Solvatur gloria

Tam mundo corpori.

Ib. Hoc est cibarium
Vere reficiens,
Panis caelestium

De caelo veniens,
Christi martyrium
Infigi faciens
Devoto memori.

2 a. Hic panis gloriae,

Hoc vitao pabulum
Perennis patriae

Dans habitaculum,
Sic cibo gratiae
Saginat famulum,
Quod non esuriet.

2 b. Hic cibus caelicus

Sub lege latuit,

Sed iam angelicus

Panis enituit,
Iam rex pacificus
Se panem praebuit,
Ut pace satiet.

3 a. Haec carens carie
Caro dignoscitur,
Cuius munditie

Munda mens alitur ;
Agnus cottidie

Mundus hic oritur
Mundans a vitio;

3 b. Qui, licet iugiter
Fiant mysteria,
Sua totaliter

Stat in substantia,
Totus aequaliter
In caeli regia,
Totus altario.

4 a. Esus a pluribus

Semel vel saepius
Unus est omnibus,
Idem, non alius ;
De tot edentibus
Nullus est amplius
Sed quisque pariter.

4 b. Quod clausum tenuit
Manna, iam reserat,
Nam plus non habuit,
Qui plus collegerat ;
Aeque distribuit,
Quod aeque dederat,
Aeternus atbiter.

5 a. Sane per omnia

Non est res similis
Manna, post spatia
Res erat labilis ;
Sed Christus hostia
Incommutabilis
Manet in saecula.

5 b. Cuius perpetui

Panis et sanguinis
Sic mensa perfrui

Nos det fons luminis,
Ut stolis indui
Possimus geminis
Post haec curricula.