41. Die Dominica.

1. Gloria

resonante cymbalarum
ecclesiae prorumpat
sic vox dulcisona:

2 a. Sit laus vernans
tibi, Christe, semper
decus atque rutilans

2 b. Luciferi

ante ortum, canna
canit ut Davidica.

3 a. Pollens verbigena,
formam qui clemens
homiferam

3 b. Sumpseras, quam crucis
ara portavit,
ara sacra,

4 a. Et clara propagasti
stirpe orbis
per lustramina

4 b. Me ecclesiam, spreta
synagoga
errorivaga.

5 a. Hinc rogo

crucis per stigmata
atque fluenta
per rosea,

5 b. Quos tibi
filios procreo,
reple gratia
caeliflua,

6 a. Fide armifera,
mala anguifera

6 b. Quo vincant, curia
et in stelligera

7. Diva per saecla
laetentur corona.