43. Die Dominica.

1. O alma

2 a. Dies dominica,
praeclara
atque perspicua,

2 b. Cunctis christicolis
optata
praeferens otia!

3 a. Chromata cuncta
per te relabuntur
rite connumerata ;

3 b. Idem quoque prima
namque et octava
manent reciprocata.

4 a. Tu inter cuncta
revoluta
dierum tempora

4 b. Numinis clara
distinctaque
tenens primordia.

5 a. Rerum creator in te
"Lux" inquit "fiat",

5b. Cuius ad nutum constat
protinus orsa.

6 a. Est enim ipsa,
in qua Gabriel,
ille magnas caelicola,

6 b. Detulit nempe
sanctae virgini
salutaria nuntians.

7 a. In te Arabica

et Sabaea Christo dona
sunt oblata
ad cunabula,

7 b. Nec non Iordanica

lotus unda Christus vita
in Lyaeum
convertit lympham.

8 a. Et ut tantum potissima

8 b. Memorentur praeconia:

9 a. Resurrexit in te vera
redemptio nostra.

9 b. Sanctum neuma unxit in te
fidelium corda.

10 a. Tu es ipsa,

quae erit ultima,

in qua tunc terribilia

parabuntur iudicia;

10 b. In qua sua

Christus clementia
nos locet inter agmina
electorum ad dexteram,

11. Quo audita
voce benigna
capiamus gaudia
aeterna per saecula.