44. Die Dominica.

1 a. Laudans, caterva,
iubila
symphoniaca,

1 b. Dulce concrepans
organa
simul vox nostra

2 a. Lyrica

resonet cymbala
in die dominica,

2 b. Neumata

decantent Gloria
in hac die festalia.

3 a. Et nos iubilemus Deo,
qui est recolendus octava
et prima,
Ut mereamur eum
intuere in saecula,

3 b. Qui requievit sepultus
et dira vastat infernorum
tartara,

Et cuncta redemit in
sancta die dominica ;

4 a. Et potum mortis
[in cruce]
biberat,

qui in die dominica
evigilat,

Salvare cunctas animas
quaerens squaloribus
perditas,

4 b. In qua lux occurrat
octava
et prima,

revolvendo per omnia
tempora.

Te deprecamur, hagie,
ut noxam minuas
catervas,

5 a. Ut modulemus Alleluia
herile dominica;

5 b. Sit tibi laus in saecula
et pax plebi in arva.