46. Die Dominica.

1. Venite pusilli
simul et magni ;

2 a. Tollite oculos

nimium ad aethera

2 b. Deflentes propria
delicta nutantia,

3 a. Supplicantes piam
clementiam
salvatoris almam,

3 b. Uti salvet pius
ac gubernet,
ingratos protegat,

4 a. Flectens piam
aurem ad preces
famulorum devotas,

4 b. Ut fideli

mente psallentes

tibi semper concinant.

5 a. Iamque imploremus,
ut veniat
super nos palma,

5 b. Tamque deprecemur,
ut det nobis
collata praemia.

6 a. Christe, redemptor,
O dominator,
pasce oviculas
tuas, pro quibus
de superni

'' patris gremio venisti,
''descendisti ad ima.

6 b. Nostrae salutis
Auctor effectus
salve plasma tua,
quae olim serpens
devicerat

suadendo dulcia.

7 a. Ne quando possit
capere creaturam
tuam, Domine,
quam formasti in
laudem tuam.

7 b. Tu enim olim

creator, nunc autem
et liberator,
largire devotis
praemia.

8 a. Iam resonant
voces in excelso,
iam perstrepunt
organa devota
tibi canentes, Christe,
rex pie,

rex aeternae gloriae,
genitus ante saecula.

8 b. Iungantur nunc
voces famulorum
cum electis
choris angelorum
simul cum virtutibus,
cum thronis,
Cherubim ac Seraphim
ante thronum ardentia,

9 a. Exsultantes cum illis
semper et lactantes
in caelorum regna,

9 b. Gaudentesque cum sanctis,
qui nos praecesserunt,
in aeterna vita.

10 a. Iam securi de tormenta

10 b. Iamque laeti de praemia

11a. Sine fine
perfruuntur
angelorum manna,

11b. Quod est Christus,
Deus noster
regnans in saecula.