48. In Conceptione BMV.

1 a. Laetabundus

Mariae concinat mundus
Alleluia,

1b. Cui non obest

Obex morsus pomi ; nec est
Res miranda,

2 a. Cordi qui huic se novit,
Si ecclipsim amovit
Sol de stella,

2 b. Si Satan non agnovit
Caro, quae Deum fovit,
Semper clara.

3 a. Sicut labens salvatur,
Qui, ne cadat, iuvatur
Pari forma,

3 b. Haec lapsu praeservatur
Nec casu, cui mors datur,
Fit corrupta.

4 a. Horret legem inferni
Vis foederis materni
Valle nostra,

4 b. Qua Satan debet sterni,
Qua Deus debet cerni
Carne sumpta.

5 a. Manent principalia,
Cessant accessoria,
Mors, partus et alia
Esse caeca.

5 b. Pomi fuit filia

De iure, sed gratia
Praerogat dextra dia
Haec praedicta.

6 a. Infelix, propera
Concedens cetera,
Cur matrem sordes,
gens misera?

6 b. Auroram in sphaera
Vernam considera,
Quam soli parat
mens libera.