49. In Conceptione BMV.

1 a. Matris Christi festivare

Conceptionem praeclare

Nititur ecclesia.

1b. Huius diem honorare,

Elemosynis ornare

Coguntur fidelia.

2 a. Haec in lucem progressiva

Veri solis productiva

Fuit sine semine.

2b. Adae culpae expulsiva,

Verae vitae promissiva

Nobis est egregie.

3 a. Quod haec dies celebratur

Et a cunctis veneratur

Veris tabernaculis,

3 b. Hoc in libro declaratur

Et Anselmus protestatur

Eius in miraculis.

4 a. Tempore, quo debellata

Et a malis exstirpata

Anglia exstiterat,

4b. A Wilhelmo Normannorum

Duce, regente Anglorum

[Regnum], cum didicerat

5 a. Tbracos esse conturbatos,

Sic a patria privatos,

Abbatem direxerat.

5 b. Illuc ventus prosperatini

Et cunctis peractis statim

Ad sua revexerat.

6 a. Vento sibi occurrente,

Quod de malo imminente

Corporis auxilium

6b. Linquunt, animarum curam

Committentes Deo puram

Maris per exsilium.

7 a. Abbati sic in dolore

Exsistenti et terrore

Vir sic dicens properat,

7 b. Qui matris redemptionis

Hunc suae conceptionis

Se colentem noverat:

8 a. Diem si mihi promittis,

Tui, quod hoc non dimittis,

Erit liberatio.

8 b. Quo spondente ventus cessit,

Alibi sic innotescit

Eius celebratio.

9 a. Tempore Karoli Francorum

Quidam iussu amicorum

Desponsari voluit.

9b. Huic apparet Christi mater:

Si me cupis, linque, frater,

Hanc, quae tibi notuit.

10 a. Hac de causa, mater Christi,

Sacerdotem, dum venisti,

Morti datum redemisti

Daemonum consortio

10 b. Iubens tuae celebrare

Conceptionis firmare

Diem et hoc praedicare

Abiecto divortio.

11 a. Erubescant nunc insani

Omnes saltem Christiani

Exsistentes ita vani,

Cernentes hoc meritum,

11b. Quod de caelo est egressum

Et fidelibus concessum,

Ut in libris est expressum,

Delens sic interitum.

12 a. Digna mater, virgo pia,

Iesu Christi, o Maria,

Si qua nobis sint ebria,

Rege nos in vitae via

Huius a penuria,

12 b. Ut ad regnum tui nati

Pervenire perpetrati

Per te simus sibi dati,

Ubi conregnant beati

In caelesti curia.