50. In Nativitate BMV.

1 a. Flos de spina procreatur,
Flos, qui nullis asperatur
Spinis, sed qui venustatur
Candore purissimo.

1b. Flos mundus, flos speciosus,
Flos purus, flos pretiosus,
Suavis et copiosus
Nectare dulcissimo.

2 a. Spina fuit Hebraeorum
Populus, ex carne quorum
Sed ex stirpe meliorum
Flos traxit originem.

2b. David rex inclitus fuit,
Cuius radix exhibuit
Florem istum, ut decuit
Tam praeclaram virginem.

3 a. Quam figurae signaverunt,
Quam prophetae praedixerunt,
Lex et psalmi cecinerunt,
Hac in die nascitur.

3 b. Sit procul infidelitas,
Iubilet mentis puritas,
Nam Mariae nativitas
Hodie recolitur.

4 a. Haec est virga stirpis piae,
Porta clausa, laus sophiae,
Haec est sibilus Eliae,
Ibi nempe Dominus.

4 b. Mons a Daniele visus,
De quo lapis est excisus,
Emanuel indivisus,

Per quem mortis terminus.

5 a. Haec est nebula festinans,
Universa medicinans,
Vitae praemia propinans
In partu puerpera.

5 b. Fons aquarum viventium,
Fons hortorum fertilium,
Nutriens regem omnium
Virginali ubere.

6 a. Haec est nardus pretiosa,
Haec est vitis generosa,
Haec est Rachel speciosa
Verum Ioseph pariens,

6 b. Qui nos vitae cibo pavit,
Se in potum propinavit
Vita, morte mortem stravit
Pro iniustis moriens.

7 a. O Noemi, si novisses,
Si perfecte didicisses,
Quod ex tua debuisses
Ruth talem accipere,

7 b. Progeniem siluisses
Nec reditum saasisses
Totiens nec intulisses:
Filia, revertere.

8 a. Ruth meruit mater esse
Obeth, qui genuit Iesse,
Qui David, cuius sedes se
Semen Deus habuit,

8 b. Cum in utero Mariae
Iuxta voces prophetiae
Isaiae, Ieremiae

Verbum carnem induit.

9 a. Virgo summum creatorem
Hominumque redemptorem
Suum traxit in amorem
Casta pulchritudine ;

9 b. Quem capere nequiverunt
Caeli, claustra concluserunt
Virginis et conceperunt
Sine viri semine.

10 a. Norma morum, o Maria,
Spes lapsorum, vitae via,
Placa Deam prece pia
Nobis peccatoribus.

10 b. Per nativitatem tuam
Dona nobis continuam
Caritatem et mutuam
Pacem te laudantibus.