51. In Nativitate BMV.

1. Exsultantes iubilemus,
Iubilantes decantemus
Alleluia.

2 a. Dulcis lira resonet,
Dulces sonos intonet,
Melodiam modula.

2 b. Non vox vitam suffocet,
Sed utraque collocet
Se sub laude tinnula.

3 a. IIIa namque maris stella,
Quae est mater et puella,
Hodie exorta est.

3 b. Anna prius infecunda

Fecundarum spem ex munda
Subole adepta est.

4 a. Ioachim improperatus

Confortatur, visitatus

Ab angelo caelitus,

4 b. Fieri se patrem gaudet
Patribusque pater audet
Se iangere penitus.

5 a. O felix nativitas,
Qua deletur caecitas
Occumbentis saeculi.

5 b. Angelo praemonita
Nobis fide cognita
Gaudeamus singuli.

6 a. Iam turget, pullulat
Uterus, baiulat,
Generat virgulam;

6 b. Iamiam fert lolium
Ligustri folium,

Tribulus gemmulam.

7 a. Spina rosam exserit,
Rosa spinam conterit
Divina gratia.

7 b. Illud esse deserit,
Quod naturae suggerit
Pungere nescia.

8 a. Spina pungens et crudelis
Est Iudaea infidelis,
Adhuc legi subdita.

8 b. Rosa vero generalis
Illa virgo specialis,
Christi mater inclita.

9 a. Quae procedens hodie
De spina perfidiae
Transit ad iustitiam,

9 b. Synagogam deserens,

Dira legis conterens

Reserat ecclesiam.

10 a. Ave, virgo praeelecta,
Peccatorum spes dilecta,
Fecunda sancto spiritu.

10 b. Virgo constans ante partum
Et in partu et post partum
Salvo pudoris habita.

11 a. Stella maris appellaris
Et regina singularis
Caeli, terrae domina.

11 b. Nostri semper memor esto,
Laeta quorum in hoc festo
Tibi psallunt agmina.

12 a. Actio quos urget,

tua nos miseratio purget,

12 b. Ut pia per merita

fungamur caelibe vita.