58 a. In Purificatione BMV.

1. Rex laudes Christe nostras
vultu nunc sereno capias,

2 a. Impius

ne nobis hostis, ut optat,
noceat ;

2 b. Pectora

sed casta spiritus sanctus
protegat.

3 a. Tu, princeps

pastorum, populum

hunc iugiter, Petre, serva,

3b. Laxare

crimina cui datum
omnia constat humana ;

4 a. Qui super caerulea
pergere
valuisti aequora,

4b. Obtentu tuo praesta,
crimina
ne nos premant gravia.

5 a. Ave, virgo Maria
virginum, colenda,
Facta luminis porta
fulgida filiique
gravida creantis
omnia.

5 b. Et nostra memor esto,
poscimus, domina,
Rebus malis expurga,
carminis nostri odas
et libens a nobis
audias.

6 a. Nam Michaelis magna
sunt suffragia
nobis per aevum imploranda

6 b. Spiritus atque omnis
Christo famulantis
vatum et poli beata.

7 a. Pulsisque iam torporibus,
Christe sancte,
te poscimus, hostem praesta
vincere posse, nullus
ne nostrum pereat,

7 b. Ut valeamus spiritu
paraclito

dante vitare futura
tartari saeva maris
data supplicia.

8 a. Iesu, tergere dignare
animo mala

8 b. Et, ut te, plebi largire
ignea dona.

9 a. Patri gloria, laus

et honor permaneat

9 b. Cum spiritu una

potestasprole quoque beata

10. Per cuncta saecula.