60. In Assumptione BMV.

la. Sanctum diem celebremus
gloriosae genetricis,

1b. Quam Dominus Iesus Christus
(ad) suam sedem collocavit.

2 a. Quem portare meruit
in utero,
ipsum rogemus,
ut abstrahat crimina ;

2 b. Ipsum rogemus atque
deprecemur,
ut eius meritis
consequamur gratiam.

3 a. Laudes illi referamus
sedulas, quae baiulavit
salvatorem Dominum.

3 b. O gloriosa genetrix
virgo, ora tu pro nobis
apud tuum filium,

4 a. Ut mereamur
eum videre
in aethera,

4b. Patri aequalem
Dominum Iesum
Christum gloria.

5 a. Te imploramus, genetrix,
fuga sordis nostrae
[maculas] et peccata
et relaxa nobis
crimina.

5 b. Rogemus et deprecemur,
pariter emendemur,
melliflua qui regit
arva et gubernat
sidera,

6 a. Per interventum
tuum, Dei
genetrix et virgo,

6 b. Ut mereamur
regnare cum
illo in aeternum.