61. In Assumptione BMV.

1. Regina

2 a. Inclita et pia
virgo, Maria,
post natum et ante
almum que unctum Dominum,

2b. Melopoeseos

cum sonu nos te
obsecrantes Deus
exaudiat nunc et semper.

3 a. Ut iuvamen

tuum iugi rogatu
consequamur
nos famuli,

3 b. Supplicamus

nunc tibi incumbentes
et devoti
veneramur.

4 a. Ac iunctus tecum
omnium chorus
sanctorum deposcat te

4 b. Nostra pro noxa,
ut cuncta Deus
remittat et deleat.

5 a. Efficiat ut nos
dignos sibi,
intercedentes omnes
vos pii,
religiosi, almi,

5b. Eia, o milites,
satagite

flagitare, quaesumus,
trinum et
unum verumque Deum,

6 a. Ut cito ignoscat
atque aboleat,
quae gessimus,

6 b. Gratiam ut praestet
et dona, quae nobis
obsecramus.

7. Quos redemisti, Domine,
pretio magno, introducas
ad vitam.