62. In Assumptione BMV.

la. Vernans rosa castitate,
Rubens tota caritate
Transplantatur hodie ;

Ib. Lucens plena claritate
Variatur venustate
Pro virtutum munere.

2 a. Desiderium impletur
Videndi discipulos
Ante mortis exitum ;

2 b. Sed sic assunt, ut miretur;
Narratur per singulos
Miraculum editum.

3 a. In excelsum saliens

Transcendisti saeculum,
Virgo delectabilis ;

3 b. Ad dilectum gradiens
Tenuisti speculum
Vitae immutabilis.

4 a. Occurrentes admirantur
Caeli cives et lactantur
Inter se dicentes:

4b. "Quae est ista", sic obfantur,
"Pro qua omnes iucundantur
Gaudio plaudentes ?"

5 a. Ierarchia triplici

Constipata veniunt
Angelorum agmina,

5 b. Cum laude multiplici
Adorantes procidunt:
"Ave, caeli domina .

6 a. Iesus festivus gloria

Matrem laetanter excipit
Et collocat in solio.

6b. Sed O miranda gaudia,

Cum natus eam suscipit,
Quem tenuit in gremio !

7 a. Stella mira et resplendens,
Per quam sol iustitiae
Nobis inclinatur,

7 b. Caelum ditans et transcendens
A rege laetitiae
Summe coronatur.

8 a. Super choros angelorum
Sublimatur per sanctorum
Omnium solamen,

8 b. Christum datum spem reorum,
Qui nostrorum peccatorum
Dissolvat ligamen.

9 a. O lux radiosa,
Clara et iocosa,
Pro nobis exora ;

9 b. Nubes pluviosa,
Tota gratiosa,
Super nos irrora.