67. In honorem B. Mariae V.

pro mulieribus praegnantibus.

1. O ancilla Christi,
Maria, mater Dei,
pauperem exaudi
peccatorem

ad te vere suspirantem
ne matrum in utero
periclitentur
infantuli.

2. Qui propter defectum
baptismi
macula irretiti
originali

in limbum condescendunt,
qui pars est inferni.

3. Maria, itaque miseris
succurre puerulis,
qui pro gravi Adae
protoplasti nebula
visione Dei
ibi carent perpetua.

4. O iudicia Dei,
abyssus multa !
Qui licet sine culpa
pereant,
non tamen sine causa.

5. Quam igitur pernitiosus
pomi vetiti
Evae fuit morsus,
quo mors posteris
sic concludebatur.

6. Sed o quam felix fuit
et Iactabundus,
o Maria,

inter te et angelum
dialogus,

quo vita orbi toti
oriebatur.

7. Prae ceteris autem
tuus videtur
splendescere
beatissimus
absque dolore partus.

8. Per quem Evae
maledictio
est soluta

nec minus benedictio
est mulieribus
cunctis condonata.

9. Ad quem ergo confugien
desolatae praegnantes,
nisi ad te,

cunctarum consolatrix,
cum lacrimis gementes?

10. Audi eas,

virgo immaculata,
nec parentum aspiciat
unigenitus tuus
ad peccata.

11. Sed parvulorum
ululatus

clementer exaudi,
ne in perenni
subiciantur inferni
formidolosa
a Deo poena.

12. Eos denique post sacri
baptismatis undam
regeneratos
perducere digneris
ad aeterna gaudia.