68. De Beata Maria V.

1, Ave, virgo, mater Christi,
Per quod salvos nos fecisti.

2a. Maria, o quam suave
Nobis liquet istud Ave,
Per quod Evae crimen grave
Almo germine fregisti.

2b. Gratia, qua te beavit
Summus pater, cum intravit
Claustrum tuum stirpe David,
Caelos nobis aperuisti.

3 a. Plena tam puro liquore
Gabrieli, sacro ore
Nuntio, Iesum decore
Es te nasci consensisti.

3b. Domin us in te descendit,
Pro salute nostra scendit
Lignum crucis, quo pependit,
Morte functus est tam tristi.

4 a. Tecum tua in carina
Stetit trusa lux divina,
Nono mense, o regina,
Quam praecellens tu fuisti !

4b. Benedicta sis, tu vitis,
Ex qua floret Christus mitis,

Morte dira sic frondisti.

5a. Tu in mulieribus es
Lux splendentior ut dies,
In qua pendet nostra quies,
Gratia quam meruisti.

5b. Benedictus Deus, mater,
Natus tuus est et pater,
Zelans noster esse frater
In te venit ut avisti.

6a. Fructus tuus talis fuit,
Per quem daemon hostis ruit,
Nostros lapsus quia luit
Morte dira, quam vidisti.

6b. Ventris tu nulla iactura
Sed procedens mente pura
Trinitatis summa cura
Virgo Christum peperisti.

7a. Tui fructus, te rogamus,
Quod saporem habeamus,
Ut cum ipso gaudeamus,
Prece qua mundum vicisti.

7 b. Amen, fervens da iuvamen,
Quodinflammetsanctumflamen,
Nos habere consolamen
In caelo, quod ascendisti.

69. De Beata Maria V.

la. Ave, mundi gaudium,
Ave, salus gentium
Ave, caeli gloria.

1b. Maria, lux luminum,
Honor, iubar virginum
Nardorum fraglantia.

2a. Gratia gratuita
Dei tibi tradita

Te replet virtutibus.

2b. Plena sancto flamine,
Parens sine crimine,
Fulgens in caelestibus.

3a. Dominus te dominam
Fecit et conterminam
Maiestatis culmini.

3 b. Tecum ens humillimo
Intus ens in animo
Te secundat nemini.

4a. Benedicta diceris,
Quia gloriaberis
Aeterno in filio.

4b. Tu rosa, tu viola,
Tu es virtutum schola
Divertens ab invio.

5a. In te spes est populi,
Vita, virtus saeculi,
Nostrae moris femina.

5b. Mulieribus decus,
Ne nos tartari specus
Mergat, cave, domina.