70. De Beata Maria V.

1. Laetare, regina regni caelorum,
Tibi misit rex omnium regnorum
Angelum suave
Dicentem Ave.

2 a. De verbo, quod erat
in principio,
Venit angelica

salutatio
Tibi missa, pia
Virgo Maria.

2 b. Verbum erat apud
Deum, exivit,
Deus erat verbum,

te concupivit,
Dei potentia
Tibi gratia.

3 a. A spiritu sancto
tu concepisti,
Deum et hominem

tu genuisti,
Vivi fontis vena
Salute plena.

3 b. Ab aeterno tu es
praeordinata,
Nunc salutari tuo

exaltata.
Tuus est filius
Rex et Dominus,

4 a. Quem uberibus tuis

nutrivisti
Et in brachio tuo

habuisti,
Gaudens secum,
Quod Christus fuit tecum.

4b. Chori angelorum
congratulantes,
Omnes sancti Dei
te venerantes ;
Non afflicta
Parens, benedicta tu.

5 a. Duplici nomine

glorificata,
Annulo

virginali subarrhata
Gloriosius
In mulieribus.

5 b. Mater Dei, in caelo

coronata,
Assumpta

ad regnum, bene dotata.
Ditavit dictus
Rex et benedictus,

6 a. Qui venit in gloria

patris sui,
Et pater dixit:

ego te genui.
Gaude, Maria,

fructus ventris tui

6 b. Cum patre et spiritu
sancto regnat,

Caelum et terram,
omnia gubernat

Et sperantes in
eum laetificat.

7. Trinitati sit aeterna gloria
Nobis maiestatis Dei gratia,
Maneat per saecula infinita.