71. De Beata Maria V.

1 a. Ad rosae titulum,
ad laudem lilii,
Ad decus violae
vos, Evae filii,
Laetos accingite.

1b. Triplex sub triplici
flore mysterium ;
Ad dulce virginis
matris praeconium
Laeti concinite.

2 a. Maestum exhilarat
et sanat saucium,
Mentis contemperat
furores febrium
Mira dulcedine.

2b.......

3 a. Flos ergo florida
virgoque floribus
His tribus: specie,
virtute, moribus,
Et soli similis,

3 b. Fac frui pascuis

nos patris gloriae,
Viroris uberant
ubi deliciae
Immarcessibilis.

4 a. Non sinas tartarum
precantes laedere
Nec te cum cantico
laudantes fallere
Sua fallacia ;

4b. Sed serva famulos
tuos a carie,
Ut fiant stabiles
in caeli culmine,
O plena gratia.