76. De Beata Maria V.

la. Ave, salutata

ab angelo Maria ;

1b. Ave, salus mundi

per quam venit, Maria.

2 a. Ave, virgo virginum,
Sponsa regis omnium,
Virginitatis

candens lilium, Maria.

2 b. Ave, rosa de spina,
Reginarum domina,
Te benedicunt

caeli, terrae, Maria.

3 a. Ave, caelestis margarita,
Caelesti regi congrua,
Maria.

3 b. Ave, rutilans velut rosa,
Aestivo sole fulgida,
Maria.

4 a. Ave, superna

cuncta creantis
Mater intacta
regis, Maria.

4b. Ave, caelorum

domina, virgo,
Mater et sponsa
Dei, Maria.

5 a. Ave, o theotocos,
virgo peperisti,
virgo fuisti

post partum permanens
integra et incorrupta,
Maria.

5 b. Ave, o eusebia
Noemi formosa,
stella praeclara,
praecellens cetera,
inclita et sine labe,
Maria.

6 a. Ave, decora
David filia,

cuius est ab intus gloria,
Maria.

6 b. Ave, cunctarum
decus virginum
et plena gratia Domini,
Maria.

7 a. Ave, benedicta,

caeli super astra rutilans,

formosa ut sol,
radians ut luna;
tota pulchra es
Dei velut sponsa,
Maria.

7 b. Ave, gloriosa

Iesu Domini genetrix, splen-

diflua cuncta
Cherubim gloria,
vincens omnia
sanctorum agmina,
Maria.

8 a. Ave, pia

peccaminum medicina,
Maria.

8 b. Ave, nostra

post Dominum salus tota,
Maria.

9 a. Ave, dulcis et benigna,
Tuo nato nos praesenta,
O felix Maria.

9 b. Ave, tibi sine fine
Ut possimus decantare
In caelis, Maria.

10 a. Ave, domina caeli,

terrae et maris, Maria.

Miss. ms. Hispalense saec. 14/15.

10 b. Ave, cunctorum era,

Duc nos, quo manes, revera.

Cod. Univ. Ianuen. A VII 3.