78. De Beata Maria V.

1 a. Consolatrix pauperum ;
Vita, spes credentium,
Angelorum domina,
Benedicta femina.
O Maria.

1b. Mater, plena gratia,
Sontes ad solacia
Iuva caeli pergere,
Dignentur at psallere,
O Maria.

2 a. O sancta virginitas,
Nostra nequit pravitas
Te dignanter commendare,
Ergo iuva nos laudare,
O Maria.

2 b. O virgo, mortalium
In salutem hominum
Concepisti nobis prolem
Salva, institiae solem,
O Maria.

3 a. O matrona regis almi,
Psalle Deo voce psalmi
Ferque opem, quam precamur,
Ne in culpa moriamur,
O Maria.

3 b. O nos, mater pietatis,
Audi flentes pro peccatis
Et a malis nos tuere,
Peccatorum miserere,
O Maria.