79. De Beata Maria V.

1 a. Cordis melos et oris

In virginis praeoonia

1b. Concordet, creatoris

Quae mater est et filia.

2 a. Haec lucens stella maris
Et ancora naufragii,

2 b. Haec portus salutaris,

Haec nostri spes exsilii.

3 a. Haec virgo sine marala,
Haec scutum contra iacula,

3 b. Haec risus in tristitia,
Post maerorem laetitia.

4 a. Tu, Maria,
Vitae via,

Tu norma pudicitiae;

4b. Te filiam

Sponsan suam

Sol elegit iustitiae.

5 a. Tu es vellus

Madens Gedeonis,

5 b. Sicca tellus,

Rubus visionis.

6 a. Sine viro

Alvo impraegnaris,

6 b. More miro

Virgo Deum paris.

7 a. Tu Dei secretarium,
Sacrarium

Es omnium virtutum ;

7 b. Tu regis habitaculum,
Tu vasculum

Es nectare imbutum.

8 a. Mater misericordiae,
Munditiae

Flos, spes desperatorum ;

8 b. Tu omnis plena gratiae,
Te curiae

Collaudant angelorum.

9 a. Tu virga florens Aaron,
Quae fructu fecundans,
Dum incorrupta paris.

9 b. Tu inter filias Sion
Beata praedicaris,
A reginis laudaris.

10 a. Archangelus te Gabriel
Et missus salutavit
Et verbo fecundavit.

10 b. Tu porta, quam Ezechiel

Clausam praememoravit,
Quam [vir] non reseravit.

11a. Tu flos florum, tu lilium
Convallium,
Tu Moysi fiscella,

11b. Spes pauperum, debilium
Refugium,

Tu verbi Dei cella.

12 a. Aromatizans balsamus,
Tu thalamus

Sponsi, vas unguentorum ;

12 b. Tu rosa spinae nescia,
Tu filia

Regis, tu fons hortorum.

13 a. Tu nardus aromatica,
Tu virgula turifica,

13 b. Tu sanitatis oleum,

Tu medela languentium.

14 a. Tu morum flos
Virtutum dos
De stirpe David inclita ;

14b. Tu viae dux,
Tu noctis lux,

Tu caritatis semita.

15 a. Veri solis

rutilans aurora,

15 b. Tu pro nobis
filium exora

16 a. Melle precum,

Ut nos cum beatis

16 b. Locet tecum

Sede claritatis