83. De Beata Maria V.

1 a. Laetetur gens credula,
Saltet cum tripudio

1b. Pietate sedula

Virginis praeludio.

2 a. Quae sine collegio
Tali privilegio

Flos produxit lilium.

2 b. Roma cum Pompeio,
Simul omnis regio
Placet istum filium.

3 a. Matrem laudemus
in filio,

3 b. Natum virginis
in lilio.

4 a. Virginis eximiae

Sudemus honoribus

4 b. Honestatis nimiae

Congruis amoribus.

5 a. Mater, flecte,

quae sunt rigida;

5 b. Pater, corda
cale frigida.

6 a. O felix nativitas,

Nos ducas vestigio ;

6 b. Supernorum civitas,
Cura nos prodigio,

7 a. More vestis veteris
Vermibus ne ceteris
Rodamur et tinea.

7b. Ducimur navigio,
Tu sis in remigio ;
Vulpes est in vinea.

8 a. Ductrix pia vitae,
Tege nos a lite
Noctis in exsilio,

8b.......

9 a. Alma,

Iter para praevium;

9 b. Palma

Rege, quod est devium.

10 a. Tuis adminiculis

Offer adminicula.

10 b. Salva nos periculis,
Praedulcis ovicula.

11a. Duc nos illuc,
ubi copia

11b. Et quo nulla
fit inopia.

12 a. O Maria,

12 b. Maris via,

13 a. Prodigia

Caeli harmonia

13 b. Tu cum pia

Loca nos sophia.