86. De Beata Maria V.

1 a. O regma sanctitatis,
Fons totius bonitatis,
Exemplum munditiae;

1b. Tu es via veritatis,
Tu es mater pietatis,
Iter praebens gratiae.

2 a. Si non ducis, deviamus,
Deviati oberramus
Omni hora diei.

2 b. Tibi ergo supplicamus,
Te ducente veniamus
Ad locum requiei.

3 a. In hoc mundo sic dubio
Pleni sumus fastidio,
Viventes cum maerore.

3 b. Quare, virgo, par lilio,

Te precamur cum filio,

Riga nos caeli rore.

4 a. Tu es regina caelorum,
Tu domina angelorum,
Supra cuncta principalis.

4 b. Tu es gaudium maestorum,
Advocata peccatorum
A cunctis nominaris.

5 a. Nostri ergo miserere
Nec velis nos deserere,
Quaesumus humiliter ;

5 b. Sed fac nos hic sic vivere,
Ut cum sanctis resurgere
Possimus feliciter.