91. Sequentia de s. Maria V.

la. Salve, salve, mater pia,
Mundi salus, o Maria.
Sanctitatis speculum.

1b. Salve, per quam salus orta,
Paradisi patens porta,
Qua salvatur saeculum.

2 a. Salve, stella matutina,
Sol, aurora, lux divina,
Fons misericordiae.

2 b. Angelorum tu regina,
Peccatorum medicina,
Spes et vena veniae.

3 a. Salve, per quam vita data,
Deo cara, Deo grata,
Salve, plena gratia.

3 b. Super omnes sublimata,
Sis pro nobis advocata
In caelesti curia.

4 a. Speciosa,

Fragrans rosa,

Mater honorata;
Generosa,
Gloriosa,

Femina beata.

4b. Pluviosa,
Fructuosa,

Cedrus exaltata;
Generosa,
Speciosa,

Salus exspectata.

5 a. Tu benigna,
Laude digna,
Tu dulcora,
Tu decora,
Tu perenne gaudium.

5b. Mediatrix,
Exaltatrix,
Omni hora
Sine mora

Roga tuum filium.

6 a. O virginum principium,
O castitatis lilium,

6 b. Trinitatis hospitium
Salutisque consilium.

7 a. Animarum solacium,

Nostrum decus et gaudium ;
Quem genuisti filium,

7 b. Nobis redde propitium ;
Expelle nostrum vitium,
[Ad] caeli duc palatium.

8 a. Clara Maria,
Benigna Maria,
Iucunda Maria,
Beata Maria.

O suavissima,
O benignissima,

8 b. Tota dulcissima,
Tota sanctissima.

Eia, domina,
Exaudi, domina,
Defende, domina,
Succurre, domina.

9 a. Ad te currunt, o Maria,
Peccatores, caeli via,
Portus et umbraculum.

9 b. Peccatorum miserere,
Salva, mater, et tuere
Christianum populum.

10 a. Benedicta mater Dei,

In te sperant omnes rei,
Salus et refugium ;

10b. Ne mergamur in infernum,
Roga regem sempiternum,
Creatorem omnium.

11a. Ad te clamat totas mundas,
Omnis homo maerebundus ;
Fac, succurras homini.

11b. Imperatrix et regina,
Nos conserves a ruina,
O virgo, mater Domini.

12 a. Commendamus nos hac die
Tibi, nobis dulci, piae,
Tibi, virgini Mariae,
Salvatrici saeculi.

12 b. Te, domna, te, maris stella,
Sancta parens et puella,
Paradisi te ut mella
Tui gustant servuli.

13 a. O Maria, salus nostra,

Iesu Christo tu demonstra
Tuum pectus, ubera,

13 b. Tu, quae salvas totum mundum,
Ne mergamur in profundum,
Virgo salutifera.