94. De Beata Maria V.

la. Tota pulchra es, amica
Regis angelorum,
Virgo prudens et pudica,
Claritas caelorum.

1b, Intus pulchra, pulchra foris
Vere comprobans,
Veneranda cunctis horis,
Mater expers maris.

2 a. Intus pulchrioribus
Ornaris virtutibus

2 b. Et decentioribus

Foris polles moribus.

3 a. A verticis caesarie

Usque imum plantae

3 b. Tu es sine cane

Te Deo servante.

4 a. Nulla virtus est, quae posset

Cor tuum transcendere,
Immo cunctas sibi nosset

Virtutes attrahere,
Quibus Deo placuisti

Et choris caelestibus,
Quibus mundo profuisti

Perplexo maeroribus.

4b. Sicut cunctis es facturis

Vere virtuosior,
Sic et cunctis creaturis

Factura venustior ;
Evae prolem denigratam

Peccati fuligine
Caeli regi reddis gratam

Tua pulchritudine.

5 a. Summa virtus te virtutum
In terris constituit,

Tibi iungi

Et te fungi

Cui summe placuit;

5 b. Unde virtus de supernis
Te virtutem adiit,

Ut humanum

Genus sanum

Fieret, quod periit.

6 a. Iunctus factor est facturae,
Iunctus Deus homini,
Venerandus omni iure
Iunctus partu virgini.

6 b. Iuncta virtus est virtuti,
Decor pulchritudini,
Iuncta salus est saluti
Et dulcor dulcedini.

7 a. Deus hominem creavit
Ad suam imaginem,

7 b. Ad cuius in te formavit
Se similitudinem.

8 a. Tu es paradiso
tanto dignior,

8 b. Quanto tuus fructus
est utilior.

9 a. O quam pulchra tu fuisti,
Cum sit factus vultus Christi
Tibi matri similis,

9 b. Cui tu es voluntate,
Caritate, pietate.
Facta non dissimilis.

10 a. Si te Deus non vidisset
Creaturam optimam,

10b. In matrem non elegisset
Te sibi carissimam.

11 a. Ergo, virgo, pulchra [tota],
Nos viles non despice,
Sed a quavis mentis nota
Nos mundari perfice.

11b. Fac, ut tuo placeamus
Praedilecto filio
Et felices transeamus
A mortis exsilio.

12 a. Solis, lunae vel stellarum
Splendor parum cernitur,
Sive virtus planetarum,
Plene dum attenditur,

12 b. Quanta dignae Christi matris
Fulget virtuositas,
Quam prae cunctis Dei patris
Illustravit claritas.

13 a. Crystallinum vel stellatum

Caelum vel empyreum
Non est Deo magis gratum,

Quam illud hospitium
Ventris casti, quo celasti

Iesum Dei filium ;
Hunc in morte virgo pia

Nobis fac propitium.

13 b. Laus aeterno genitori,

Laus aeterno filio,
Nostro pio redemptori

Sit et veneratio,
Charismatum infusori

Mariae solacio,
Matri Dei, nostrae spei,

Perpes iucundatio.