95. De Omnibus Sanctis.

1. Almae caelorura turmae
concrepent Alleluia

2 a. In die hac sacrosancta,
sanctis omnibus splendida,

2 b. Quae nobis exstat annua,
sed iis est continua.

3 a. Celsa angelorum agmina
laude iucunda
Christo resultant organa,

3 b. Mundanaque modulamina
iam nunc intonant
praeconia cum laetitia.

4 a. Quae supra sidera pulchra,
quae sunt profunda, omnimoda
quae sunt laudum genera,

4b. Proclamant voce sonora
Christum Dominum laudantia
per saecula omnia.

5 a. Qui sanctorum gloria
est et victoria,
Laus et corona,
lux atque laetitia,

5 b. Praestans illis talia
aurea praemia,
Quae vox humana
non explicat aliqua.

6 a. O stella maris inclita,
O domina,
mundi regina,
Oratione pia
tu nostra ablue facinora

6 b. Donante Dei gratia.
Cuius sacra
rutilant dona,
Queis aeternae magna
consequamur vitae praemia

7 a. Per suffragia
tua, beata

virgo puerpera,

7 b. Porta aurea,
purpura regis
atque dignissima.

8 a. Vox angelica
quam clara,

quae Deo semper concinit
Alleluia !

8 b. Terra que sata
humana,

quam beata sanctorum
sunt agmina.

9 a. Quae patriarchica
lustrat plebs atque
prophetica,

9 b. Lux apostolica
mors ac martyrum
pretiosa.

10 a. O praesulum
perspicua,
Confessorum praecelsa,

atque virginea,
omniaque sancta
agmina

10 b. Quam pulchra sunt
et quam laeta !

Trinitatem sanctam
cernentia per cuncta

(in) gloria aeterna

saecula,

11a. Quae miseratione sua
nos abluat
ab omni macula

11b. Et sua pietate sola
sanctis iungat
in illa patria,

12. In qua sine fine regnat
pax sempiterna.