96. De Omnibus Sanctis.

1 a. O quam dulcis illa vita,
In qua sancti fulgent ita
Ut flores cum flagrantia !

1b. Vere dulcis est et bona,
In qua sanctis crescunt dona
Illa possidentibus.

2 a. Ibi novem angelorum
Ordines sunt beatorum
Collaudantes Dominum.

2b. Ibi dominationes,

Quas collaudant nationes
Per terrarum circulum.

3 a. Ibi decus prophetarum

Non est vile, sed praeclarum
Fulget supra sidera.

3 b. Sequitur apostolorum,
Martyrum et confessorum
Triumphalis acies.

4 a. Quae ut rubicunda rosa
Et ut gemma pretiosa
Semper ibi rutilat ;

4 b. Sicut odor violarum
Virginum et viduarum
Chorus ibi redolet.

5 a. Restat ergo, ut sequamur
Viam, per quam mereamur
Illa vita perfrui.

5 b. Utinam sic faciamus,
Ut ipsam possideamus
Cum sanctis agminibus.