100. De Omnibus Sanctis.

1 a. Superni regis curia,
Cuius instant sollemnia,
Vocis, cordis concordia
Te recolat ecclesia.

1b. Inprimis matri virgini,
Odoris rosae gemini,
Qua datur salus homini,
Sit laus ad laudem Domini.

2 a. Angelorum praeconia
Pari sonent laetitia,
Ut post carnis exsilia
Secum fruamur patria.

2 b. Patriarcharum ordini

Non cessent hymni concini,
Ut nos ascribant nomini,
Quo recte gloriamini.

3 a. Apostolorum gloria

Cum martyrum victoria
Colantur et eximia
Confessorum collegia.

3 b. Sit virginum laus lumini
Omnique caeli culmini;
Suo nos iungant agmini
Post huius cursum termini.