117. De sanctis Angelis.

la. IugaBethel,mens,conscende,

Supernorum comprehende

Quae sit distributio;

1b. Quam distinxit thearchia

Triplici sub ierarchia

Gradu novenario.

2 a. Igne Dei sunt ardentes

Seraphim, sed excellentes

Cherubim scientia.

2 b. Thronus Dei nominatur,

In quo caeli rex laetatur

Decernens iudicia.

3 a. Hae tres primae ierarchiae

Iuncti divae monarchiae

Sunt sine distantias

3 b. Hi divinum sunt agalma

Divinaeque mentis alma

Prae cunctis ecmagia.

4a. Dominantes hi dicuntur,

Quorum nutu disponuntur

Actus ministrantium.

4 b. Quinque nempe subiectorum

Vicem agit ministrorum

Circa nos collegium.

5 a. Coetus inter quos Virtutum

Supra physim est ad nutum

Signa quod exhibeat.

5 b. Potestatum est arcere

Nequam omne, ne nocere,

Quantum velit, valeat.

6 a. Habent terrae personatus

Limitare Principatus

Et iura decernere.

6 b. Submovere superborum

Sedes ducum et bonorum

His datur statuere.

7 a. Mystica consiliorum

Eruditi divinorum

Nuntiant Archangeli.

7 b. Dignitas est animarum

Specialis, ut earum

Sint custodes Angeli.

8 a. Hic ornatus, hi superni

Distributi sunt ter terni

Secundum officia:

8 b. Assistunt superiores,

Circa nos inferiores

Agunt ministeria.

9 a. Purgant praelati subiectos,

Illuminant et perfectos

Fonti lucis uniunt.

9 b. Verbum sono nil diffuso

Fantur, tamen inconfuso

Sensu se percipiunt.

10 a. Ex his habet Michaelem

Primatem et Raphaelem

Medicum ecclesia,

10 b. Gabrielem robur Dei,

Per quem primum dantur ei

Salutis eulogia.

11a. Tantis, Iesu, nos athletis

Ducibus et allocetis

Dona semper protegi.

11b. Assint nobis in agone,

Consequendae sint coronae

Tuis archistrategi.

1 a. Felix Anna, iucundare,

Regis summi venerare

Almam matrem et mirare

Tuam esse filiam.

1b. Eras enim, Anna, clausa,

Rite templo nihil ausa

Immolare legis causa,

O beata sterilis.

2 a. Hoc evenit, ut mirandus,

Anna, fractas ex te dandus

Nobis esset, incarnandus

Ex quo Dei filius.

2 b. Sacer fructus, sacra planta

De te venit, arca tanta;

Esto nobis, Anna, sancta

Prece tua gaudium.

3 a. Alma, gaude, quae Mariam,

Regis summi natam piam

Meruisti, caeli viam,

Anna sancta, parere.

3 b. Mediatrix ergo praesto,

Anna sancta, nobis esto,

Gloriosa die festo

Iam aeterne iubilas.

3 c. Sis pro nobis advocata,

Tu et felix tua nata,

Esto nobis via lata,

Regis radix gloriae.