122. De sancto Antonino.

1 a. Attollamus Deum verum
In sanctorum gestis rerum
Cunctarumque creatorem ;

1 b. Collaudemus hunc, in sanctis
Illo dante nos quem tantis
Novimus triumphatorem.

2 a. Huius ergo bonitatis
Agamus memoriam,
Qui cum palma post laborem
Sanctos fert ad gloriam.

2 b. Eia, fratres, Antonini
Memoretur passio,
Qui ad laudem Dei trini
Cucurrit in stadio.

3 a. Ut tempestas cessaretur,
Nec a pravis vexaretur
Honestorum contio,

3 b. Vinctis martyr praedicabat,
Lapsis iter dedicabat
Plures monstrans Domino.

4 a. Perlustrans multis pridem
Sumpta cruce martyr idem
Christum sequi properabat,

4 b. Dei laudibus insistens
Sceleratis aut resistens
Hostes Christi superabat.

5 a. Duce ductus aelico
Populo catholico
Nuntiat prophetico
Finem sanctus ore.

5 b. Ululat, flet populas
Hoc audito querulus,
Christo preces sedulus
Fundit pro pastore.

6 a. Quo frendebat gens, pius
Sese miles transtulit,
Quae pollutis manibus
Hunc ad fana compulit.

6 b. Recusati ritus eius

Nequam plebs irascitur;
Antoninus propter Iidem
Membratim dividitur.

7 a. Sic per ista
Agonista

Perrexit ad gloriam.

7 b. Benedictus
Iesus Christos,

Qui dedit victoriam.