123. De sancto Antonino Ep.

1. Antonino magno laudes
concinant christiani.

2 a. O praesul mitissime,
tuis Christo precibus
reconciliemur
peccatores.

2 b. Mors et vita caelesti
refulsere nitore,
vivens et mortuus
micat signis.

3 a. Da, pastor benigne,

Doctor clemens et digne,
Muniri nos hic viventes,
Non deseri abs
te morientes.

3 b. Virtutum da vestes,
Culparum tolle pestes,
Doctrinae lampas et morum,
Noctem disperge
densam errorum.

4 a. Credendum est esse

illum nunc magnum in caelo,

Qui tanto

Christi exarsit zelo.

4b. Scimus te gemina
ornatum gloria vere,
O virgo,
o doctor, nos intuere.

5. Alleluia.