126. De sancto Antonio.

1 a. Verbum bonum et suave
Cantet chorus, dicat Ave;
Plebs fidelis, iucundare
Ad sancti sollemnia;

1b. Te nunc decet gratulari,
Quae iam cernis visitari,
Per hunc vides frequentari
Tuos fines, Padua.

2 a. Te, Antoni, tuba Dei,
Digna causa huius rei,
Supplicamus licet rei,
Sis nostrorum venia.

2b. Stella, splendor firmamenti,
Fons hortorum, vas unguenti,
Tuae proli, tuae genti
Da salutis gaudia.

3 a. Ave, splendor Hispanorum,
Honor, decus clericorum,
Tu cunctorum via morum,
Salus et refugium.

3 b. O Antoni, flos sanctorum,
Spes, solamen miserorum,
Sancte pater, sis nostrorum
Memor ante Dominum.