128. De sancto Apollinare.

1. Ecce, beatus
alumnos harmonica
nos cogit suos hodie
laudis cum decore

2 a. Apollinaris

carmina sibi reboare;

2 b. Qui, cum a Petro
missus fuisset apostolo

3 a. Ravennam, coepit
praedicare
baptismum populo.

3 b. Mox Irenaei
restauravit
gemina nati lumina.

4 a. Tribuni quoque
adepta est priscae
coniunx salutis gratiam.

4b. Praecipiente ipso
vanuit deserens
puellam nequam spiritus.

5 a. Os nobilis viri mutum
vinculi
solvit nexibus.

5 b. Christicolarum denique
sic turba
augebatur plurima.

6 a. Patricii natam
Rufi commovens
threnara ad vitae
revexit lumina.

6 b. Leprosus quidam
ab eodem
praeteritae cutis
sumpsit gratiam.

7 a. Quem cernens paganorum
augere tanta
cuneus

7 b. Diversis caesum flagris
tradidit neci
senium.

8 a. Quaesumus, tuis, pastor,
suffragiis nostri laxa
noxam criminis,

8 b. Quo duce te mereamur
alta polorum
scandere templa.

9. Tu cuncta praesta
nobis gaudia.