130. De sancto Augustino.

1. Splendescit hodierna
dies ingenti laetitia,

2 a. In qua catholica
gloriatur ecclesia,

2b. Atque angelica

in caelis ovant agmina,

3 a. Augustini festa,
patris nostri,

renovando celebria,

3 b. De cuius doctrina
ecclesia

fulget per mundi climata.

4 a. Cuius eloquia
redolent ultra
tlymiamata,

4 b. Studens qui carmina
scripsit multa
valde utilia.

5 a. Clericos norma

indidit vivere congrua,

Ut communia

essent omnia

quaeque sua,

nec haberent ultra propria.

5 b. Gaudet Africa

de tanto patrono praedita

Atque civitas
Hipponis illa,
quae doctrina
claruit illius sedula.

6 a. Ergo nostra chorea
resultet carmina
Domino cum cantu
rhythmica ;

6 b. Sit voci mens consona,
ut placeant nostra,
quae Deo pangimus,
cantica.

7 a. Omnes una

conclamemus voce celsa,
mente fida, fide pura,
ut in terra Deus nostra
regat opera,

7 b, Qui haec festa
sancti sui gloriosa
cebramus atque digna
et in caelo nos aeterna
ditet gloria.

8 a. O beate Augustine,
praesul digne,
nos tua iuvent suffragia;

8 b. Tu praesulum flos et gemma,
prece pia
pro nobis Dominum supplica,

9 a. Ut nostra exaudiat

clemens precamina

9 b. Et ducat ad caelica

regna, quo laetemur

10. in gloria

per cuncta saecula.