131. De sancta Aurea.

1 a. Ad Aureae sollemnia,
Pro summi regis gloria
Iam laudes et praeconia
Solvat mater ecclesia.

1b. Quae pro fidei gratia
Sponsa regis et filia
Tot pertulit opprobria
Et corporis supplicia.

2 a. Post fidei primordia
Corruptionis inscia,
Post corporis supplicia
Transit ad caeli gaudia.

2 b. Ergo, consors angelica,
Ut tueatur, supplica,
Nos virtute deifica
Virginis proles unica.

3. Laus tibi sit ingenito,
Laus tibi unigenito,
Laus et tibi paraclito
Virginis buius merito.