132. De sancto Balderico.

1 a. Adest dies celebris,
Qua de mundi tenebris
Triumphat in patria

1b. Pater buius patriae,
Baldericus ; hodie
Eius sunt sollemnia.

2 a. Regali progenie
Omni carens carie
Vixit ab infantia ;

2 b. Sacerdos sanctissimus,
Doctor fidelissimus
Fulsit in ecclesia.

3 a. Totus Deo deditus,
Mundum fugit penitus,
Dum reliquit propria ;

3 b. Christi crucem corpore
Tulit omni tempore
Iugi abstinentia.

4 a. Claruit virtutibus
Et factis insignibus,
Mundi vicit vitia.

4 b. Quem post carnis onera
Christus super aethera
Invitat ad praemia.

5 a. O sancte Balderice,
Fidei catholicae
Lumen Dei gratia,

5b. Christum, lumen, Dominum,
Fac nobis propitium
Tua per suffragia.