145. De ss. Benedicto, Mauro, Placido,
Scholastica.

1 a. Benedicti grandia
Maurique praeconia,
Placidi martyria
Resonemus,

1b. Seholasticae merita,
Christi dona inclita,
Iam cum laude debita
Memoremus.

2 a. Regulam exhibuit,
Re ac verbo docuit,
Miraculis floruit
Benedictus.

2b. Claudis gressum tribuens,
Mortuo vitam reddens
Et futura praenoscens
Hic est dictus.

3 a. Huic Maurus subditur,
Dei vas efficitur,
Super aquas graditur
Petrum sequens.

3 b. Res miras exsequitur.
In Galliam mittitur,
Ubi demum moritur
Summa petens.

4 a. Placidus praeinnocens,
In Siciliam pergens,
Nomen Christi exprimens
Fustigatur.

4b. Lingua post inciditur,
Sed hinc magis loquitur
Et, cum caput scinditur,
Coronatur.

5 a. Scholastica oravit,

Imbres caelum donavit,
Gressum fratris artavit
Et recursum.

5 b. Nobis dent auxilium,
Ut in fine temporum
Casinuin collegium
Scandat sursum.