148. De sancto Bernardo Parmensi.

1. Laudes

2 a. Sancto Bernardo
canat ecclesia mater,

2 b. De talis nati

profectu gratulans semper.

3 a. Hic velut sidus
eximium,
Deo [praeelectum]

3b. Inter fraternas
caligines
rutilans emicat.

4 a. Hic Iesu Christi
praeceptis
paruit promptus.

4b. Hic eius membris
subvenit
minimis largus.

5 a. Hinc suae perfectae
vitae se testem
exhibet,

5 b. Debiles curando
atque tuendo
supplices.

6 a. Hunc iam coetibus
coniunctum sanctorum
cuncti precemur,

6 b. Ut nos fragiles
semper conciliet
Domino Deo,

7. Qui regnat per saecula cuncta.