151. De sancta Birgitta.

1. Alleluia

2 a. Iucundum resonet
praesens ecclesia

2 b. Felicis Birgittae
concinens gloriam.

3 a. Haec, dum vivebat,
angelorum meruit
colloquia

3 b. Et nunc in caelis
inter eorum laetatur
agmina.

4 a. Hanc misit apostolam
Christus
sua per orbem
populis pandere
scelera Deique
iudicia.

4 b. Huic evangelistae
datur,

incarnati verbi
secreta scriberet
ut evangelica
mysteria.

5 a. Haec prophetiae
dono claruit
mirifico

5 b. Et carnem domans
adflixit iugi
martyrio.

6 a. Confessione
fidei nituit

6 b. Ac mundi probra
libens sustinuit.

7 a. Spe forti solida
cuncta sprevit vana,
perenni caritate fervida.

Virginalem

vitam in votis praetulit,

7 b. Coniugalem

sed obaudiens tenuit.

Casto conubio
tandem regi Christo
se totam sanxivit obsequio.

8 a. Septiformi

sic dotata praeconio

8 b. In supremi

sponsi regnat palatio

9 a. Coronata,
amplexata ;
obhoccaelicatonantorgana.

O quam delectaris,
Iesu, per talia1

9 b. Euge, sponsa, sponsi
possidens gaudia!

Alleluia

laude pia

congaudentes iubilemus una.

10 a. O mater Birgitta,
duc nos ad regna,

10 b. Ut tecum cantemus
semper Alleluia.