153. De ss. Birino et Swithuno.

1. Laude resonet
te, Christe, devote
supplex turma,

2 a. Ecclesiae qui gemmas
de mundi pulvere
tollis ad sidera,

2 b. Per quas pacis visio,
mater Ierusalem,
ornata rutilat.

3 a. Patrem ab arce
Birinum
missum Romulea,

8 b. Misit Swithunum
patria
natum et Anglica.

4 a. Qui candelabra
Christi aurea
spargunt charismata
superna,

4b. Quorum lavacri
prior dat fontem,
sequens pluit signa
triumphans.

5 a. Sanat hic corda,
curat hic corpora,

5 b. Dux et hic tonat,
lux et hic fulgurat.

6 a. Hic plantat,
hic rigat,

hic talenta duplicat,
hic fidus consecrat
numisma.

6 b. Baptisma
hic praebet,
chrisma hic sanctificat,
hic docet, hic orat,
hic firmat.

7 a. Hic prorecta est
fidei,
hic est et ancora,

7 b. Ambo praesules,
angelis
Anglos qui sociant.

8. Nos promere

per quos tu fac, Christe,
in astris Alleluia.