156. De sancto Bonaventura.

1 a. Catervae, o altissime,
Dono tuo, piissime,
Voto suae carissimae
Divus Bonaventura.

1b. Iesu, sanctorum tuorum
[Rex, corona confessorum,]
Natura fulgens suorum
Morum Bonaventura

2 a, Laete iunctus collegio
Tecum in throno regio
Gaudet Bonaventura.

2b. Iustitia comprobata,
Pietate roborata,
Duxit Bonaventuram

3 a. Ad contemptum huius mundi ;
Adam, hominis secundi,
Exemplo fructus fecandi
Rexit Bonaventuram.

3 b. Nomine hereditavit,
Miserans praedestinavit,
Benefecit et amavit
Aevo Bonaventuram.

4 a. Uerus hic Israelita,
Nec dolosa eius vita
Fuit Bonaventurae,

4 b. Sicut testantur opera
Ac religio aspera
Magni Bonaventurae.

5 a. Gregem tuum, pastor bone,
Rege, cum sit in agone,
Et participem coronae
Sancti Bonaventurae,

5 b. Gaudeat, fac, ut laetetur;
Orat, pulsat, conservetur;
Rogat, errans revertetur
Prece Bonaventurae.

6 a. Iuste pater omnipotens,
Uere filius sapiens,
Summa caritas procedens
Bonum Bonaventurae,

6 b. Quo ditatus mirifice
Seraphicus deifice
Quiescit iam pacifice
Doctor Bonaventura.

7. Oramus, tribue,
Miseris adnue,
Famulos respice,
Tecum da vivere
Cum Bonaventura ;
Amen dicant omnia.