161. De sancta Clara.

1 a. Clara lux apparuit
Mundo, quando claruit
Clarae virtus operum ;

1b. Quam Franciscus docuit,
Clare vitam tenuit
Dominarum pauperum.

2 a. Huius clari sideris
Clarescendi posteris
Clarum fit initium,

2b. Vox de caelo nuntia,
Praestat hoc pro filia
Matri natalitium.

3 a. Dum petens genimina
Per sanctorum limina
Defleret exitium,

3 b. Clare vox tunc sonuit,
Parens natae posuit
Nomen ob indicium.

4 a. Orta claro sanguine
Purpuris sub tegmine
Clara fert cilicium ;

4 b. Longas per vigilias
Orans fugit filias
Hominum et vitium.

5 a. Tempus in miraculis
Non capescit operis
Et vitae profluvium.

5 b. Clara, clara meritis,
Clari dari miseris
Ora regni gaudium.