164. De sancta Clara.

1 a. Qui fecit ad imaginem

Franciscum redemptoris,
Non solum liquit hominem
In paradisi choris.

1b. Formavit Claram virginem
Ex latere Minoris,
Virtutibus imaginem
Angelici vigoris.

2 a. Baee sprevit pure saeculum
In disciplinae loris,
Dum fugit ad ergastulum
Spretis delicti thoris.

2 b. Assiduis corpusculum
Officiis laboris
Vexavit et pectusculum
Suspiriis amoris.

3 a. Clara, carne sterilis,
Spiritu fecunda,
Clara, quondam flebilis,
Caelo iam iucunda,

3 b. Quos hic caro fragilis
Turbat [et] immunda,
Tuis datos iubilis
Precibus emunda.