165. De sancto Clemente.

1. Gaudet hodie
proles Deo devota.

2 a. Adest namque

dies alma et magno
gaudio plena,

2 b. Quam celebrem

festa sancti Clementis
revolvunt nobis.

3 a. Hodie

caelestis laetatur turba,
qua Gloria cantant
in excelsis
voce dnlcisona
cum symphonia.

3 b. Hodie

polorum sancta agmina
collaudant regem
regum nostrum,
natam ex virgine
sancta Maria.

4 a. Ave, inclite

martyr Christi, Clemens,
flos pulcherrime.

4b. Tu vestigia

Christi secutus es
fide devota.

5 a. Aeterni regis
adeptus es regna ;
Iam gratularis
in domo superna
possidens sedes almas.

5 b. Te deposcimus
et petimus una:
Adiuva tua
sancta suffragia
consona voce nostra.

6 a. O beate,'

O sancte Clemens,
salva catervam hanc
fidelem.

6 b. O beate,

O sancte Clemens,
laus tibi, gloria
sit semper.

7 a. Nos una

mereamur sancta
polorum alta

7 b.

Possidere laeta,

certantes alma

gaudia, quae sunt plena.

8 a. Sit Deo

laus, honor et
iubilatio casta,

8 b. Qui regnat
per omnia
saeculorum saecula.

9. Amen dicant omnia.