166. De ss. Clemente et Ildefonso.

1 a. Omnis homo piae mentis
Laudes beati Clementis
Psallat cum laetitia.

1b. Hic vir sanctus Deo gratus
Est post Petrum sublimatus
Pastor in ecclesia.

2 a. Fecit, ut petra manaret
Aquas, ut et abundaret
Aperire maria.

2 b. Hodie sunt magni regis,
Custodis gentis et legis,
Alphonsi natalia.

3 a. Hac in die laetabunda
Multa fecit et iucunda
Placens mirabilia.

3 b. Hoc in festo venerando
Illustri regi Fernando
Data est Sibilia,

4 a. Quibus fides exaltatur,
Et Maurorum lex vastatur,
Gaudeat Hispania.

4 b. Eia nunc, beate Clemens,
Ut sit nobis Christus clemens,
Fac tua clementia.

5. Auge dies nostro regi,
Auge metas sanctae legi,
Auge nobis gaudia.