173. De ss. Quattuor Doctoribus.

1 a. Res delatus in quadriga.
Rector, currus et auriga
Fert, quo fertur ferculum;

1b. Rotae sunt allegorica,
Textus mos anagogjca,
Scriptura vehiculum

2 a. Nunquam labens,
Equos habens

Fortes, pulchros, pariles:
Orbem girant
Nec delirant.
Sed girantes orbi spirant
Hinnitus terribiles

2 b. Hi doctores,
Qui ductores

Currus infallibiles,
Regem gerunt,
Summa quaerunt
Et errores rupes terunt

Per passus difficiles.

3 a. Augustinus
Aquilinus

Trans gradus angelicas
Solem cernit
Et prosternit

Errantes haereticos;

3 b. Praesul factus
Rursum actus

Per actus esstaticos
Sub figuris
Dat scripturis

Sensus anagogicos.

4 a. Dux gregis egregius.
Lux legis Gregorius
Fit regis vicarius

Et princeps pastorum:

4b. Morum dogma seminat,
Cleri cantus ordinat.
Cuius nos illuminat
Venustas verborum.

5 a. Dum sacros apices
Legit Hieronymus,

Hebraeos codices
Translatos novimus,

Stat inter frutices,
Fit doctor maximus;

5 b. Dum se ieiuniis

Prorsus attenuat,

Corpus incendiis
Solis exaestuat,

Mentem molestiis
Carnis evacuat.

6 a. Leo monstrat

apum examine
Favo plenus
fide perspicua,

6 b. O Ambrosi,

de Christi nomine
Distillantem
verba melliflua.

7 a. Te, dum pastor
fore reniteris,
Vox infantis

prodit in publico:

7 b. Templo Dei

pastor praeficeris,
Gregem pascis
sermone mystico.

8 a. Primi lucens

albescit veritas,
In secundo

rubescit caritas,

8 b. Sequens niger

cuius austeritas,
Pallet quarti

simplex humilitas.

9 a. Agnus passus

bos equos astruit
His bis binis
tinctos coloribus.

9 b. Qui sigilla

septem aperuit,
Nos adiungat
turbis caelestibus.